ახალი ამბები
27 თებერვალი 2026 წელი
ქართული ბალეტის ლეგენდის – ვახტანგ ჭაბუკიანი – დაბადებიდან 116 წლის იუბილე განსაკუთრებული პატივით აღინიშნა.
ამ მნიშვნელოვან თარიღთან დაკავშირებით ვახტანგ ჭაბუკიანის მემორიალური სახლ-მუზეუმი-ში გაიმართა ემოციური და შთამბეჭდავი შეხვედრა პროექტის – „ქართული ბალეტის გზა: ჭაბუკიანიდან – ანანიაშვილამდე“ – ფარგლებში.
ღონისძიების საპატიო სტუმარი გახლდათ მსოფლიო პრიმა ბალერინა – ქალბატონი ნინო ანანიაშვილი, რომელმაც დამსწრე საზოგადოებას გაუზიარა პროფესიული გამოცდილება, შემოქმედებითი მოგონებები და ქართული საბალეტო ხელოვნების განვითარების გზაზე დაგროვილი უნიკალური ხედვები.
შეხვედრას ესწრებოდნენ სასწავლებლის მოსწავლეები, პედაგოგები, ადმინისტრაციის წარმომადგენლები და მოწვეული სტუმრები. დარბაზში განსაკუთრებული ატმოსფერო სუფევდა – პატივისცემა, შთაგონება და ქართული ბალეტის სიყვარულით გაჟღენთილი ემოცია.
პროექტი ნათლად წარმოაჩენს იმ უწყვეტ შემოქმედებით ხაზს, რომელიც ვახტანგ ჭაბუკიანის მიერ ჩაყრილი მტკიცე საფუძველიდან იწყება და თანამედროვე ეპოქაში ღირსეულად გრძელდება, ქართული ბალეტის მსოფლიო აღიარებასა და მომავალი თაობების შთაგონებაში.
