ახალი ამბები
18 - 28 მარტი 2024 წელი
ვახტანგ ჭაბუკიანის სახელობის თბილისის საბალეტო ხელოვნების სასწავლებლის მოსწავლეებმა, იტალიის ქალაქ ლეჩეში DOMENICO MODUGNO სახელობის საერთაშორისო საბალეტო კონკურსზე დიდი წარმატებით იასპარეზეს. პირველი ადგილი და ოქროს მედალი კლასიკურ ვარიაციებში: თათა გრიგოლაშვილი, მარი ყულიჯანიშვილი; პირველი ადგილი და ოქროს მედალი კლასიკურ ცეკვაში. ორეული: ელენე შველიძე, ემმა ჩერნიშოვა; პირველი ადგილი და ოქროს მედალი ჯგუფურ ცეკვაში: თეა გადაბაძე, ნატალია კანდელაკი, კატო თანიაშვილი; ვერცხლის მედალი და მეორე ადგილი კლასიკურ ვარიაციაში: ემმა ჩერნიშოვა; მეორე ადგილი და ვერცხლის მედალი თანამედროვე ცეკვაში : მარი ყულიჯანიშვილი; ბრინჯაოს მედალი და მესამე ადგილი კლასიკურ ვარიაციაში : ნუცა ბურჭულაძე ;ბრინჯაოს მედალი და მესამე ადგილი კლასიკურ ცეკვაში. ორეული: მარიამ ჩიტალაძე, თამარ კაკაშვილი;
აღსანიშნავია, რომონკურსში მონაწილე სხვადასხვა ქვეყნების ( იტალია, ტაივანი, პერუ, , სომხეთი, მექსიკა,დიდი ბრიტანეთი, ჩინეთი, ბოსნია-ჰერცოგოვინა, კვიპროსი, იაპონია, ლატვია, საქართველო, აშშ, რუმინეთი, ტაილანდი და სხვა) საბალეტო სასწავლებლებს შორის ვახტანგ ჭაბუკიანის სახელობის თბილისის საბალეტო ხელოვნების სახელმწიფო სასწავლებელმა მესამეჯერ მოიპოვა საუკეთესო საბალეტო სკოლის ტიტული (პირველად 2018 წელს ლატვიის ქალაქ რიგაში “ EVENTUS” საერთაშორისო ფესტივალზე, მეორედ 2023 წელს-იტალიის ქალაქ ლეჩეში „DOMENICO MODUGNO“ სახელობის საერთაშორისო საბალეტო კონკურსზე)
